പൂഞ്ഞാർ
ഗ്രാമ പഞ്ചായത്ത്

കോട്ടയം ജില്ലയിലെ മീനച്ചിൽ താലൂക്കിൽ 1969-ൽ സ്ഥാപിതമായ പൂഞ്ഞാർ ഗ്രാമപഞ്ചായത്ത്, അദ്ധ്വാനശീലരായ കർഷകരുടെ പരിശ്രമത്താൽ റബ്ബർ കൃഷിയുടെ ഒരു പ്രധാന കേന്ദ്രമായി മാറിയ മലയോര മേഖലയാണ്. കിഴക്ക് പൂഞ്ഞാർ തെക്കേക്കര, പടിഞ്ഞാറ് ഈരാറ്റുപേട്ട മുൻസിപ്പാലിറ്റി, തിടനാട് എന്നിവയുൾപ്പെടെയുള്ള പ്രദേശങ്ങളാൽ ചുറ്റപ്പെട്ട ഈ ഗ്രാമം മലകളാലും കുന്നുകളാലും സമൃദ്ധമായ പ്രകൃതിഭംഗിയാൽ അനുഗ്രഹീതമാണ്. പാണ്ഡ്യവംശ രാജാവായിരുന്ന മാനവിക്രമൻ മധുരയിൽ നിന്നും വന്ന് സ്ഥാപിച്ച പൂഞ്ഞാർ രാജവംശത്തിന്റെ ചരിത്രവും, അഗസ്ത്യമുനിയുടെ ഐതിഹ്യവും പേറുന്ന ഈ മണ്ണിലാണ് പ്രശസ്തമായ മധുരമീനാക്ഷി ക്ഷേത്രവും എ.ഡി. 1300-ൽ സ്ഥാപിതമായ സെന്റ് ജോസഫ്സ് ചർച്ചും സ്ഥിതി ചെയ്യുന്നത്. ഹിന്ദു, ക്രിസ്ത്യൻ, മുസ്ലിം മതവിഭാഗങ്ങൾ പരസ്പര ഐക്യത്തോടെ കഴിയുന്ന ഈ പ്രദേശം എന്നും മതസൗഹാർദ്ദത്തിന്റെ ഉത്തമ നിദർശനമാണ്. കായികരംഗത്തെ കുലപതി കേണൽ ജി.വി. രാജ, ഭ്രമരസന്ദേശത്തിന്റെ കർത്താവ് അവിട്ടം...