നിയമവ്യവസ്ഥകൾ
നിയമവ്യവസ്ഥകൾ
♻️
ഉൽഭവസ്ഥാനത്തെ തരംതിരിക്കൽ
വീടുകളിലും സ്ഥാപനങ്ങളിലും മാലിന്യങ്ങൾ ഉൽഭവസ്ഥാനത്തുതന്നെ ജൈവ, അജൈവ, ഹാനികരമായവയായി തരംതിരിച്ചു സൂക്ഷിക്കുന്നത് നിയമപരമായി നിർബന്ധമാണ്.
അജൈവ മാലിന്യങ്ങൾ ഹരിതകർമ്മ സേനയ്ക്ക് കൈമാറുക
വൃത്തിയാക്കി ഉണക്കിയ പ്ലാസ്റ്റിക് കവറുകളും ഗ്ലാസുകളും നൽകുവാൻ ബാധ്യതയുണ്ട്
ജൈവമാലിന്യങ്ങൾ സോഴ്സ് കമ്പോസ്റ്റിംഗ്/ബയോഗ്യാസ് വഴി സംസ്കരിക്കുക
💳
യൂസർ ഫീ ചട്ടങ്ങൾ
തദ്ദേശ സ്വയംഭരണ ബൈലോ അനുസരിച്ച് മാസംതോറും ഹരിതകർമ്മ സേനാംഗങ്ങൾക്ക് നിർബന്ധമായും നൽകേണ്ട യൂസർ ഫീ സംബന്ധിച്ച ചട്ടങ്ങൾ.
സർക്കാർ നിർദ്ദേശിച്ച പ്രതിമാസ യൂസർ ഫീ അടയ്ക്കൽ നിർബന്ധം
പഞ്ചായത്ത് സർട്ടിഫിക്കറ്റുകൾക്ക് യൂസർ ഫീ രസീത് നിർബന്ധമാണ്
സ്ഥാപനങ്ങൾക്കും വീടുകൾക്കും കൃത്യമായ രസീത് നൽകുന്നതാണ്
🚫
പ്ലാസ്റ്റിക് ഉൽപ്പന്ന നിരോധനം
ഒറ്റത്തവണ ഉപയോഗിക്കുന്ന പ്ലാസ്റ്റിക് ഉൽപ്പന്നങ്ങളുടെ ഉൽപ്പാദനം, വിപണനം, ഉപയോഗം എന്നിവ പൂർണ്ണമായും നിരോധിച്ചുകൊണ്ടുള്ള നിയമങ്ങൾ.
ക്യാരി ബാഗുകൾ, സ്ട്രോ, പ്ലാസ്റ്റിക് പ്ലേറ്റുകൾ എന്നിവയ്ക്ക് വിലക്ക്
വ്യാപാര സ്ഥാപനങ്ങളിൽ നിരന്തരമായ സ്ക്വാഡ് പരിശോധനകൾ
നിയമലംഘനം കണ്ടെത്തിയാൽ ലൈസൻസ് റദ്ദാക്കലും സാമ്പത്തിക പിഴയും
⚖️
പിഴശിക്ഷകളും നിയമനടപടികളും
കേരള പഞ്ചായത്ത് രാജ് / മുനിസിപ്പാലിറ്റി ആക്ടുകൾ പ്രകാരം തദ്ദേശ സ്വയംഭരണ സ്ഥാപനപരിധിയിൽ മാലിന്യ സംസ്കരണ നിയമങ്ങൾ ലംഘിക്കുന്നവർക്കെതിരെ ചുമത്തുന്ന കുറ്റകൃത്യങ്ങളും പിഴകളും:
വകുപ്പ് (പഞ്ചായത്ത് / മുനിസിപ്പാലിറ്റി) | കുറ്റകൃത്യത്തിന്റെ വിശദാംശം | നടപടി ക്രമം | പിഴ / ശിക്ഷ | ചുമത്തുന്ന അധികാരി | പിഴ ഒടുക്കിയില്ലെങ്കിൽ |
|---|---|---|---|---|---|
| 219എൻ / 340 | പൊതു/സ്വകാര്യ സ്ഥലങ്ങളിൽ മാലിന്യം വലിച്ചെറിയുന്നത് | സ്പോട്ട് ഫൈൻ | 5,000 രൂപ വരെ | സെക്രട്ടറി / അധികാരപ്പെടുത്തിയ ഉദ്യോഗസ്ഥൻ | പ്രോസിക്യൂഷൻ |
| 219എ / 335 | കടകളും വാണിജ്യ സ്ഥാപനങ്ങളും പരിസരം വൃത്തിയായി സൂക്ഷിക്കാത്തത് | സ്പോട്ട് ഫൈൻ / കുറ്റാരോപിതനെ കേട്ട് പിഴ ചുമത്തൽ | 5,000 രൂപ വരെ | സെക്രട്ടറി / അധികാരപ്പെടുത്തിയ ഉദ്യോഗസ്ഥൻ | പ്രോസിക്യൂഷൻ |
| 219എസി / 326സി | മാലിന്യം വേർതിരിച്ച് കൈമാറാതിരിക്കുന്നത് | കുറ്റാരോപിതനെ കേട്ട് പിഴ ചുമത്തൽ | 1,000 മുതൽ 10,000 രൂപ വരെ | സെക്രട്ടറി | റവന്യൂ റിക്കവറി |
| 219എഡി / 326ഡി | യൂസർ ഫീസ് നൽകുന്നതിൽ വീഴ്ച വരുത്തുന്നത് | വ്യക്തിയെ കേട്ട് പിഴ ചുമത്തൽ; സേവനങ്ങൾ നിഷേധിക്കാവുന്നതാണ് | പ്രതിമാസം യൂസർ ഫീസിന്റെ 50% | സെക്രട്ടറി | റവന്യൂ റിക്കവറി |
| 219ബി / 327 | ഖരമാലിന്യങ്ങൾ സംഭരിക്കുന്നതിലും നിക്ഷേപിക്കുന്നതിലും വീഴ്ച | കുറ്റാരോപിതനെ കേട്ട് പിഴ ചുമത്തൽ | 1,000 മുതൽ 10,000 രൂപ വരെ | സെക്രട്ടറി | റവന്യൂ റിക്കവറി |
| 219കെ / 337 | ഉപയോഗിച്ച വെള്ളം പൊതു സ്ഥലങ്ങളിലേക്കോ ജലാശയങ്ങളിലേക്കോ ഒഴുക്കുന്നത് | മലിനജലം ഒഴുക്കുന്ന പൈപ്പ്/മാർഗ്ഗം അടയ്ക്കുകയോ നീക്കം ചെയ്യുകയോ ചെയ്യുക | 5,000 മുതൽ 50,000 രൂപ വരെ | സെക്രട്ടറി | റവന്യൂ റിക്കവറി |
| 219എച്ച് / 334 | താമസസ്ഥലമല്ലാത്ത പരിസരങ്ങളിൽ മാലിന്യങ്ങൾ നീക്കം ചെയ്യാതിരിക്കുന്നത് | പ്രോസിക്യൂഷൻ | 10,000 രൂപ വരെ | ഫസ്റ്റ് ക്ലാസ് ജൂഡീഷ്യൽ മജിസ്ട്രേറ്റ് | - |
| 219എ / 334എ | ബൾക്ക് വേസ്റ്റ് ജനറേറ്റർമാർ (BWG) ഉറവിടത്തിൽ മാലിന്യം കൈകാര്യം ചെയ്യാതിരിക്കുന്നത് | പ്രോസിക്യൂഷൻ; ലൈസൻസ്, ബിൽഡിംഗ് നമ്പർ, പെർമിറ്റ് റദ്ദാക്കൽ | 6 മാസം മുതൽ 1 വർഷം വരെ തടവ് അല്ലെങ്കിൽ പിഴ | ഫസ്റ്റ് ക്ലാസ് ജൂഡീഷ്യൽ മജിസ്ട്രേറ്റ് | - |